நீங்கள் தேடியது "ராஜ்யவர்தன் சிங்"

புதுடெல்லி:

மத்திய விளையாட்டுத்துறை மந்திரி ராஜ்யவர்தன் சிங் ரத்தோர் உடற்பயிற்சி செய்வது போன்ற வீடியோ ஒன்றை வெளியிட்டு நாம் ஃபிட்டாக இருந்தால் தான் நாடு ஃபிட்டாக இருக்கும். அதனால் அனைவரும் உடற்பயிற்சி செய்ய வேண்டும் என்று வலியுறுத்தி, விராட் கோலி, சாய்னா நேவால், ஹிர்த்திக் ரோஷன் ஆகியோரை டேக் செய்திருந்தார்.

இவரது இந்த சவாலை விராட் கோலி, அனுஷ்கா சர்மா, சாய்னா நேவால் ஆகியோர் ஏற்றுக்கொண்டு உடற்பயிற்சி வீடியோவை வெளியிட துவங்கியுள்ளனர். மேலும், அவர்களின் வீடியோக்களை வெளியிட்டு அதனை டேக் செய்வதன் மூலம் டேக் செய்யப்படுபவர்களுக்கும் சவால் விடுக்கப்படுகிறது.

இந்நிலையில், விளையாட்டுத்துறை மந்திரியின் இந்த புதிய சவாலை இந்தி திரை உலகின் ஜாம்பவான் அமிதாப் பச்சன் ஏற்றுக்கொண்டுள்ளார்.



இதுதொடர்பாக தனது ட்விட்டர் பக்கத்தில், தினமும் உடற்பயிற்சி செய்யவேண்டும் என்றும், சூரியன் எழுவதற்கு முன்பு எழுந்து சூரியனை காண வேண்டும் போன்ற வாசகங்களை பதிவிட்டு சவாலை சந்திக்க உள்ளார் அமிதாப் பச்சன். #AmitabhBachchan #HumFitTohIndiaFit #FitnessChallenge